កណ្តាល៖ ជនរងគ្រោះជាមេជាងសំណង់ម្នាក់ ខណះយកម៉ែត្រដែកគាជ្រី ក៏បានទៅប៉ះខ្សែកាបភ្លើង បណ្តាលអោយ ឆក់ធ្លាក់ចុះមកក្រោម រងរបួសធ្ងន់និងបានស្លាប់ពេលបញ្ជូនទៅកាន់មន្ទីពេទ្យ។ បង្កភ្ញាក់ផ្អើលកាលពីវេលាម៉ោង ១០និង៣០នាទី(ម៉ោងដឹង)ព្រឹកថ្ងៃទី ២៧ ខែ សីហាឆ្នាំ២០២០ ចំណុចផ្ទះកំពុងសាងសង់ ភូមិព្រែកតាព្រីង សង្កាត់សិត្បូ ក្រុងតាខ្មៅ ខេត្តកណ្តាល។
ជនរងគ្រោះឈ្មោះ អាត់ វី អាយុ៥៧ឆ្នាំ មុខរបរ មេជាងសំណង់ទីលំនៅ ភូមិសិត្បូ សង្កាត់សិត្បូក្រុងតាខ្មៅ ខេត្តកណ្តាល ។
តាមការបំភ្លឺរបស់កូនប្រុសជនរងគ្រោះឈ្មោះ អាត់ បូរិន ភេទប្រុស អាយុ៣១ឆ្នាំ មុខរបរជាងសំណង់ ដែលធ្វើការជាមួយគ្នាបានឲ្យសមត្ថកិច្ចដឹងថានៅព្រឹកមុនកើតហេតុជនរងគ្រោះជាមេជាងសំណង់បានធ្វើផ្ទះអោយគេដូចសព្វដង ដោយបានឡើងទៅលើយ៉ាបខាងមុខ ដើម្បីចាប់ជ្រី ជនរងគ្រោះបានយកម៉ែត្រដែកគាជ្រី ក៏បានទៅប៉ះខ្សែកាបភ្លើង ឆក់ធ្លាក់ចុះមកក្រោមពេលនោះកម្មករបាននាំគ្នាជួយជនរងគ្រោះ ធ្វើចលនា រឹងទ្រូង ហើយបានដឹកជនរងគ្រោះតាមម៉ូតូយកទៅសង្គ្រោះនៅមន្ទីរពេទ្យបង្អែកជ័យជំនះ ពេលទៅដល់លោកគ្រូពេទ្យបានសង្គ្រោះដាក់អុកស៊ីនសែន ប៉ុន្តែជនរងគ្រោះបានដាច់ខ្យល់ស្លាប់បាត់ទៅហើយ បន្ទាប់មកក៏បានដឹកជនរងគ្រោះដាក់ឡានពេទ្យមកផ្ទះវិញហើយក៏បានរាយការណ៍ជូនសមត្ថកិច្ចចុះធ្វើការពិនិត្យ។
តាមការពិនិត្យរបស់សមត្ថកិច្ចជំនាញ និងគ្រូពេទ្យ ជនរងគ្រោះស្លាប់ដោយសារឆក់ចរន្តអគ្គីសនី(បណ្តាលអោយស្លាប់) សាកសពត្រូវបានក្រុមគ្រួសារធ្វើបុណ្យតាមប្រពៃណី៕
