(កណ្ដាល)៖ លោកវរសេនីយ៍ឯក យី វណ្ណដា អធិការនៃអធិការដ្ឋាននគរបាលក្រុងតាខ្មៅ បានដឹកនាំកិច្ចប្រជុំមួយដែលផ្តោតសំខាន់ទៅលើបញ្ហាគ្រឿងញៀន , គោលនយោបាយភូមិ សង្កាត់មានសុវត្ថិភាពទាំង៧ចំណុច, បញ្ហាសណ្តាប់ធ្នាប់, ការការពារក្បួនថ្នាក់ដឹកនាំ ជាដើម ។
កិច្ចប្រជុំនេះបានធ្វើឡើង នៅរសផលថ្ងៃទី៩ ខែមិនា ឆ្នាំ២០២៤នេះ ដោយមានសមាសភាពចូលរួមមាន៖ លោកអធិការរងទទួលផ្នែកប្រឆាំងគ្រឿងញៀន ,លោកអធិការរងទទួលផ្នែកយុត្តិធម៍, លោកអធិការរងទទួលផ្នែកសណ្តាប់ធ្នាប់ ,លោកអធិការរងទទួលផ្នែកសេនាធិការ និងលោកនាយប៉ុស្តិ៍ទាំង១០ ។
លោកវរសេនីយ៍ឯក យី វណ្ណដា បានឲ្យដឹងថា អនុវត្តន៍តាមការចង្អុលបង្ហាញពីលោកឧត្តមសេនីយ៍ទោឈឿន សុចិត្ត ស្នងការនគរបាលខេត្តកណ្ដាល លោកបានបើកកិច្ចប្រជុំនេះឡើងជារៀងរាល់ខែ សំដៅអនុវត្តន៍នូវផែនការដែលបានដាក់រួចស្រេចឲ្យមានប្រសិទ្ធភាពខ្ពស់បំផុត ។
ក្នុងឱកាសនោះ លោកអធិការ បានកោតសរសើរដល់បងប្អូនកងកម្លាំងយើងទាំងអស់ដែលបានខិតខំប្រឹងប្រែងបំពេញកាតព្វកិច្ចបានយ៉ាងល្អ និង លើកទឹកចិត្តអោយប្រឹងប្រែងបន្ថែមទៀតដើម្បីសេចក្តីសុខ សុវត្ថិភាព ជូនប្រជាពលក្នុងក្រុងតាខ្មៅយើង ។
គួររម្លឹកថា បងប្អូនប្រជាពលរដ្ឋក្រុងតាខ្មៅ តែងកោតសរសើរចំពោះស្នាដៃរបស់បងប្អូននគរបាលក្រុងតាខ្មៅទាំងអស់ ដែលតែងតែចុះជួយដល់មូលដ្ឋានផ្ទាល់ៗរាល់តម្រូវការរបស់ពលរដ្ឋ ពិសេសគឺការបង្ក្រាបក្មេងទណនលង ចោរកម្ម ការផ្ដល់សេវា ឃើញថាមានកម្រិតល្អ ហើយធ្វើការកោតសរសើរមិនដាច់ពីមាត់ឡើយ៕
